اکتوبر ۱۹۹۱ء

وزیر اعظم پاکستان میاں محمد نواز شریف نے گزشتہ روز پرائم منسٹر سیکرٹریٹ اسلام آباد میں پندرہویں قومی سیرت کانفرنس سے خطاب کرتے ہوئے کہا ہے کہ

’’نفاذِ اسلام ہمارا مشترکہ خواب ہے اور اس کی عملی تعبیر ہماری مشترکہ آرزو ہے۔ اس کے لیے ہمیں مشترکہ جدوجہد کرنی ہے۔‘‘

انہوں نے کہا کہ

’’ہمیں منزل اس وقت ملے گی جب سیاست دین کے تابع ہو گی نہ کہ دین سیاست کے۔‘‘ (بحوالہ نوائے وقت لاہور ۔ ۲۴ ستمبر ۱۹۹۱ء)

نفاذِ اسلام کے حوالہ سے وزیر اعظم کا یہ ارشاد اس قدر حقیقت پسندانہ ہے کہ اس پر بے ساختہ داد دینے کو جی چاہتا ہے۔ لیکن یہ روایت قومی سطح پر ہماری بدنصیبی کا حصہ بن چکی ہے کہ اسلامی جمہوریہ پاکستان کے حکمران جب کسی سیرت کانفرنس، علماء کانفرنس، مشائخ کانفرنس، یا مذہبی تقریب کے سٹیج پر ہوتے ہیں تو اپنے روز مرہ کے معاملات، سرکاری پالیسیوں، حکومتی فیصلوں اور گروہی طرز عمل کے دائروں سے وقتی طور پر نکل کر ایسے تخیلاتی ماحول میں پہنچ جاتے ہیں جس کا ان کی عملی زندگی سے دور کا بھی کوئی واسطہ نہیں ہوتا۔ اور جب اس تخیلاتی فضا سے باہر آ کر اپنے عملی ماحول میں داخل ہوتے ہیں تو ان سٹیجوں پر کہی گئی باتوں کی فائیل آئندہ کسی ایسے ہی سٹیج کے لیے لپیٹ کر رکھ دیتے ہیں۔ حکمرانوں اور سیاستدانوں کا یہی دوہرا کردار قوم کے لیے مسلسل عذاب کا باعث بنا ہوا ہے لیکن اس میں تبدیلی کے سرِدست کوئی آثار دکھائی نہیں دے رہے۔

میاں محمد نواز شریف کی حکومت نفاذِ اسلام کے وعدہ کے ساتھ برسرِ اقتدار آئی ہے لیکن سینٹ کے منظور کردہ علماء کے متفقہ پرائیویٹ شریعت بل کے ساتھ جو حشر اس حکومت کے ہاتھوں ہوا ہے وہ نفاذِ شریعت کی جدوجہد کے باشعور کارکنوں کو ایک لمبے عرصے تک نہیں بھولے گا۔ لیکن ستم ظریفی کی انتہا یہ ہے کہ سرکاری شریعت بل کو پارلیمنٹ سے منظور کراتے ہوئے اس کی دفعہ ۳ میں قرآن و سنت کی بالادستی کو ’’سیاسی نظام اور حکومتی ڈھانچے کے متاثر نہ ہونے‘‘ کے ساتھ مشروط کر کے قرآن و سنت کی بالادستی کا جو مذاق اڑایا گیا ہے اس کی سیاہی ابھی خشک نہیں ہوئی کہ وزیر اعظم سیاست کو دین کے تابع کرنے کی خوشخبری سنا رہے ہیں۔

کیا ہم جناب وزیر اعظم سے یہ پوچھنے کی جسارت کر سکتے ہیں کہ جب پارلیمنٹ میں سرکاری شریعت بل کے ذریعہ قرآن و سنت کی بالادستی کو محدود کرنے اور سود کو تحفظ دینے کے اقدامات ہو رہے تھے اس وقت ان کی ’’سیاست کو دین کے تابع کرنے‘‘ کی یہ سوچ کون سے ڈیپ فریزر میں منجمد پڑی تھی؟

معاف کیجئے! قوم اور دینی حلقے نفاذِ اسلام کے حوالہ سے حکمرانوں سے قطعی طور پر مایوس ہو چکے ہیں اور انہیں اس سلسلہ میں حال یا ماضئ قریب کے حکمرانوں سے کسی خیر کی کوئی توقع نہیں ہے۔ اب ہماری ان سے صرف یہ درخواست ہے کہ ’’نفاذِ اسلام کو مشترکہ خواب قرار دینے‘‘ اور ’’سیاست کو دین کے تابع کرنے‘‘ جیسی خوشنما اور دلفریب باتیں کر کے دلوں کے زخم نہ کریدیے اور ان زخموں پر نمک پاشی نہ کیجئیے، آپ کا اس ملک کے عوام اور دینی حلقوں پر یہی سب سے بڑا احسان ہو گا۔

علماء اور دینی کارکنوں کا قتلِ عام

گزشتہ دنوں جھنگ میں مولانا سید صادق حسین شاہؒ فاضل دیوبند اپنے چار رفقاء سمیت وحشیانہ فائرنگ کا نشانہ بن کر جام شہادت نوش کر گئے۔ لاہور میں سپاہ صحابہؓ کے جلسہ میں بم کے دھماکے سے چار کارکن شہید ہو گئے۔ اور نوائے وقت کے بزرگ کالم نویس میاں عبد الرشید کو ان کی رہائشگاہ پر فائرنگ کر کے شہید کر دیا گیا، انا للہ وانا الیہ راجعون۔

علماء اور دینی کارکنوں کے قتل کا یہ سلسلہ ایک عرصہ سے جاری ہے۔ علامہ احسان الٰہی ظہیرؒ، مولانا احسان اللہ فاروقیؒ، مولانا حبیب الرحمٰن یزدانیؒ، مولانا حق نواز جھنگویؒ، مولانا ایثار القاسمیؒ، میاں اقبال حسینؒ، مولانا عبد الصمد آزاد، اور حافظ عتیق الرحمٰن سلفی جیسے حضرات اس قتلِ عام کی بھینٹ چڑھ چکے ہیں، لیکن فضا میں سازش کی بو سونگھ لینے والی پنجاب پولیس ابھی تک ان علماء اور دینی کارکنوں کے قاتلوں کی گرفتاری کے لیے کوئی کارکردگی نہیں دکھا سکی۔

ہم جھنگ اور لاہور کے شہداء کی مغفرت اور بلندئ درجات کے لیے دلی دعا کے ساتھ ان کے پسماندگان کے ساتھ رنج و غم کا اظہار کرتے ہیں اور حکمرانوں کو ان کی ذمہ داری کا احساس دلاتے ہوئے متوجہ کرتے ہیں کہ قاتلوں کی گرفتاری اور علماء و دینی کارکنوں کے مسلسل قتل عام کی روک تھام کے لیے سنجیدگی کے ساتھ پیشرفت کیے بغیر امنِ عامہ کے تقاضوں کو پورا نہیں کیا جا سکتا۔

انا للہ وانا الیہ راجعون

دارالعلوم دیوبند کے شیخ الحدیث اور بھارت کے ممتاز عالمِ دین حضرت مولانا معراج الحقؒ گزشتہ دنوں انتقال کر گئے، انا للہ وانا الیہ راجعون۔ انہوں نے ساری زندگی علومِ دینیہ کی تعلیم و تدریس میں بسر کی اور بے شمار تشنگانِ علوم کو سیراب کیا۔

پاکستان کے ممتاز طبیب اور صاحبِ قلم جناب حکیم آزاد شیرازیؒ کا بھی گزشتہ دنوں انتقال ہو گیا، انا للہ وانا الیہ راجعون۔ مرحوم حضرت مولانا احمد علی لاہوریؒ کے حلقہ کے خاص آدمیوں میں سے تھے اور ساری عمر اہلِ حق کے ساتھ وابستہ رہے۔

اللہ تعالیٰ مرحومین کو جنت الفردوس میں جگہ دیں اور پسماندگان کو صبرِ جمیل کی توفیق سے نوازیں، آمین۔

(۱) الجوامع

سیر و آداب و تفسیر و عقائد
 فتن و احکام و اشراط و مناقب

(۲) المسانید

(۳) السنن

(۴) المعاجم

(۵) الاجزاء

(۶) المستخرجات

(۷) المستدرکات

(۸) المسلسلات

(۹) العلل

(۱۰) الاطراف

(۱۱) الامالی

(۱۲) الشمائل

(۱۳) الرسائل

(۱۴) الاربعینات

(۱۵) المغازی

(۱۶) التخریجات

(۱۷) الزوائد

(۱۸) اختلاف الحدیث

(۱۹) السیر

(۲۰) غرائب الحدیث

قل هل يستوي الذين يعلمون والذين لا يعلمون إنما يتذكر أولو الألباب۔ (زمر: آیت ۹)

’’اے پیغمبر (صلی اللہ علیہ وسلم) !آپ کہہ دیجئے کیا برابر ہیں وہ لوگ جو جانتے ہیں (یعنی جو صاحب علم ہیں) اور وہ لوگ جو نہیں جانتے (یقیناً یہ برابر نہیں ہو سکتے) بے شک نصیحت تو وہی لوگ حاصل کرتے ہیں جو صاحبِ عقل و خرد ہیں۔‘‘

زندگی جہد ست و استحقاق نیست
جز بعلم انفس و آفاق نیست (اقبال)

انما العلم بالتعلم۔

’’علم بغیر سیکھنے کے نہیں آتا۔‘‘

فانصر بھمتک العلوم واھلھا 
ان العلوم قلیلۃ الانصار
(شوقی)

’’اپنی ہمت و پوری توجہ سے علوم اور اہل علوم کی مدد کرو، کیونکہ علوم کے مددگار بہت تھوڑے ہیں۔‘‘ 

(الف) خروج من الجہل: علم کا مقصد یہ ہے کہ انسان جہالت کی تاریکی سے باہر نکل آئے اور علم کی روشنی میں سفرِ حیات طے کرے۔ حضرت علیؓ کا قول ہے:

اللھم انی اعوذ بک من ان اقول فی العلم بغیر علم۔

’’اے اللہ ! میں تیری ذات کے ساتھ پناہ چاہتا ہوں اس بات سے کہ میں علم کے سلسلہ میں بغیر علم کے کوئی بات کہوں۔‘‘

(ب) نفع الخلائق: علم سے مقصد یہ ہو کہ اللہ کی مخلوق کو فائدہ پہنچائے۔ آنحضور صلی اللہ علیہ وسلم کا یہ فرمان:

خیر الناس من ینفع الناس۔

’’انسانوں میں بہتر انسان وہ ہے جو اللہ تعالیٰ کی مخلوق کو فائدہ پہنچائے۔‘‘

اعزل الاذى عن طريق المسلمین۔

’’مسلمانوں کے راستے سے تکلیف دینے والی باتوں کو ہٹاؤ۔‘‘

(ج) احیاء العلم: علم کو زندہ کرنا اہم مقصد ہے۔ علم کو ترک کرنے سے ضیاعِ علم ہوتا ہے۔ ایک اثر میں آتا ہے:

تعلموا العلم قبل ان یرفع ورفعہ ذھاب العلماء۔

’’علم کو سیکھ لوقبل اس کے کہ وہ اٹھا لیا جائے اور علم کا اٹھایا جانا یہ ہے کہ اچھے علماء نہ رہیں۔‘‘

(د) نیۃ العمل: علم سے عمل کرنے کی نیت اور ارادہ ہو، کیونکہ بزرگان دین کا قول ہے:

العلم بلا عمل وبال و العمل بلا علم ضلال۔

’’علم بغیر عمل کے وبالِ جان ہے اور عمل بغیر علم کے گمراہی و ضلالت ہے۔‘‘

ان من اھم امورکم عندی الصلوة۔ (موطا)

’’تمہارے سب کاموں میں سے اہم کام میرے نزدیک نماز ہے۔‘‘

”تناصحوا فی العلم ولا یکتم بعضکم بعضا فان خیانۃ الرجل فی علمہ اشد من خیانۃ مالہ وان اللہ سائلکم عنہ“

’’آنحضرت صلی اللہ علیہ وسلم نے فرمایا ہے کہ علم میں ایک دوسرے کے ساتھ خیر خواہی کرو اور تم سے بعض بعض سے چھپائیں نہیں، کیونکہ کسی شخص کی خیانت علم میں زیادہ شدید ہے بہ نسبت اس کی خیانت کے مال میں اور بے شک اللہ تعالیٰ تم سے اس کے بارے میں سوال کرنے والا ہے۔‘‘

قم للمعلم وفہ تبجیلا 
کاد المعلم ان یکون رسولا 
(شوقی)

’’کھڑے ہو استاذ اور معلم کا ادب بجا لاؤ۔ معلم تو رسولؐ کا نائب اور جانشین ہے۔‘‘

با ادب شو با ادب 
بے ادب محروم ماند از فضل رب

ای شیئ اخرج العلم عن قلوب العلماء قال الطمع۔

’’کہ علماء کے قلوب سے علم کو کس چیز نے نکالا ہے تو اس کے جواب میں فرمایا کہ طمع اور لالچ نے علم کو ان کے قلوب سے نکالا ہے۔‘‘

یحدثنا و نحن نتذاکر بیننا۔ (الحديث)

’’کہ آنحضرت صلی اللہ علیہ وسلم ہمارے سامنے حدیث بیان فرماتے تھے اور پھر ہم لوگ آپس میں اس کا تکرار و مذاکرہ کرتے رہتے تھے۔‘‘

يا يحيى خذ الكتب بقوة اى بالدرس بجذ و مواظبۃ۔

’’حضرت یحییٰ علیہ السلام سے اللہ تعالیٰ نے ارشاد فرمایا اے یحییٰ! پکڑ اس کتاب (تورات) کو مضبوطی سے، اس کو پڑھو پڑھاؤ پوری کوشش اور ہمیشگی سے۔‘‘

اٰفۃ العلم النسیان۔

’’ کہ علم کے لیے آفت فراموش کر دینا ہے۔‘‘

العلم لا یعطیک بعضہ حتی تعطیہ کلک۔

’’یعنی علم تجھ کو اپنا بعض حصہ بھی نہیں دے گا جب تک تم پورے کے پورے اپنے آپ کو اس کے سپرد نہ کر دو۔‘‘

لا یضیع عمل عامل منکم من ذکر او انثی۔

’’بے شک اللہ تعالیٰ تم سے کسی مرد یا عورت کے عمل اور اس کی محنت کو ضائع نہیں کرتا۔‘‘

میراث العلم خیر من میراث الذھب والنفس الصالحۃ خیر من اللؤلؤ ولا یستطاع العلم براحۃ الجسم۔

’’علم کی میراث سونے (یعنی مال) کی میراث سے بہتر ہے اور ایک صالح نفس موتیوں سے زیادہ قیمتی اور بہتر ہے اور علم حاصل نہیں کیا جا سکتا جسم کی راحت کے ساتھ۔‘‘

الوقت سيف قاطع۔

’’وقت ایک قاطع تلوار کی طرح ہے۔‘‘

؎ گیا وقت پھر ہاتھ آتا نہیں 
سدا عیش دوراں دکھاتا نہیں

؎ غافل تجھے گھڑیال یہ دیتا ہے منادی 
گردوں نے گھڑی عمر کی ایک اور گھٹا دی

من نام عند المجلس فقد خاب من رحمۃ اللہ و کان حبیب الشیطان۔

’’جو علم کی مجلس میں سو گیا تو یقیناً اللہ کی رحمت سے ناکام ہوا اور شیطان کا دوست بنا۔‘‘

تعلموا من النجوم مقدار ما تعرفون بہ امر قبلتکم و تعلموا من انساب ما تصلون بہ ارحامکم۔

’’ستاروں اور نجوم کے احوال میں سے سیکھنا تمہارے لیے ضروری ہے جس سے تم اپنے قبلہ کی سمت کو صحیح طریق سے پہچان سکو اور انساب (تاریخ) میں سے اتنا حصہ بھی تمہارے لیے سیکھنا ضروری ہے جس سے تم صلہ رحمی کر سکو (اپنے قریب و بعید اعزہ و اقرباء کو پہچان سکو، جن کے ساتھ صلہ رحمی کرنی اور ان کا حق ادا کرنا تمہارے لیے ضروری ہے)‘‘

المکر والخدیعۃ والخیانۃ فی النار۔

’’مکر، دھو کہ، خیانت یہ سب دوزخ میں لے جانے کا باعث ہیں۔‘‘ (الحدیث)

شکوت الی وکیع سوء حفظی
فاوصانی الی ترک المعاصی

من لم یؤقر کبیرنا ولم یرحم صغیرنا فلیس منا۔

’’آنحضرت صلی اللہ علیہ وسلم کا فرمان ہے جس نے ہم سے بڑوں کا احترام نہ کیا اور چھوٹوں پر رحم نہ کیا وہ ہم میں سے نہیں۔‘‘

تعلموا قبل ان تسودوا۔

’’کسی ذمہ داری کے پڑ جانے سے پہلے پہلے علم حاصل کر لو۔‘‘

اس دور میں سب مٹ جائیں گے ہاں 
رہ جائے گا وہ جو قائم اپنی راہ پر اور پکا اسی ہٹ کا

بزمِ جہاں میں سنبھل کے رکھنا قدم 
جہاں پگڑی اچھلتی ہے اسے میخانہ کہتے ہیں

علم در تحصیل دانش رفت و نادانم ہنوز
کارواں بگذشت و من در فکر سامانم ہنوز

الصدقُ سیف اللہ ما وضع علی شیئ الا قطعہ۔

’’سچائی ایک اللہ تعالیٰ کی ایسی تلوار ہے جس پر اس کو دیکھیں/ رکھیں گے اس کو کاٹ دے گی۔ اس کے سامنے کوئی چیز ٹک نہیں سکتی۔‘‘

یک ذره درد دل از علم فلاطون بہ

زندگی سو سال ہو کہ اک پل گزر جاتی ہے
شانے پر کمبلی ہو یا شال گزر جاتی ہے 
مالداروں کی باقبال گزر جاتی ہے 
اور ہم غریبوں کی بہرحال گزر جاتی ہے 
(امجد)

عليكم بالعلم فان طلبہ لله۔ ۔ ۔ ۔ الى مایھم۔

(ترجمہ) ”حضرت معاذ نے کہا ہے کہ علم کو اپنے اوپر لازم پکڑو، کیونکہ اس علم کا طلب کرنا اللہ تعالیٰ کے لیے عبادت ہے اور اس علم کو پہچاننا خشیت یعنی اللہ تعالیٰ سے ڈرنا ہے اور علم سے بحث کرنا جہاد ہے اور اس علم کو کسی ایسے شخص کو پڑھانا جو اس کو نہیں جانتا صدقہ ہے اور اس علم کا باہم مذاکرہ کرنا تسبیح ہے اور اسی علم کے ذریعے اللہ تعالیٰ کو پہچانا جا سکتا ہے اور اسی کی عبادت کی جا سکتی ہے اور اسی علم کے ذریعہ اللہ تعالیٰ کی بزرگی و عظمت اور اس کی توحید کو معلوم کیا جا سکتا ہے اور اللہ تعالیٰ اس علم کے ذریعہ بہت سی اقوام کو بلند کر دیتا ہے اور ان کو دوسرے لوگوں کے لیے قائد اور پیشوا بنا دیتا ہے اور لوگ ان کے ساتھ ہدایت پاتے ہیں اور ان کی رائے کی طرف رجوع کرتے ہیں۔ “

(قادیانی امت کے سربراہ مرزا طاہر احمد کے سابق دست راست فلسطینی دانش ور حسن محمود عوده کے قبول اسلام کی تفصیل ”الشریعہ“ کے ایک گزشتہ شمارہ میں شائع کی جا چکی ہے۔ ذیل میں ایک امریکی نومسلم خاتون محترمہ جمیلہ تھامس اور حسن محمود عودہ کی گفتگو کا ترجمہ شائع کیا جا رہا ہے۔ محترمہ جمیلہ تھامس نے قبول اسلام کا اعلان کیا تو قادیانی جماعت نے انہیں اپنے ساتھ ملانے کی کوشش کی۔ موصوفہ کو جناب حسن محمود عودہ کے ترکِ قادیانیت کا کسی ذریعہ سے علم ہو چکا تھا، اس لیے انہوں نے ان سے براہ راست ملاقات کر کے حالات معلوم کرنا زیادہ مناسب سمجھا اور اس پس منظر میں مندرجہ ذیل گفتگو ہوئی، جو ان کے قادیانیت کی گمراہی سے بچاؤ اور اصل اسلام پر استقامت کا ذریعہ بن گئی۔ جناب حسن محمود عوده ان دنوں ”التقویٰ“ کے نام سے ایک ماہنامہ جریدہ کے ذریعہ قادیانیت زدہ عرب نوجوانوں کو اصل اسلام کی طرف رجوع کی دعوت دینے کی مہم میں مصروف ہیں اور محترمہ جمیلہ تھامس کے ساتھ ان کا درج ذیل انٹرویو بھی ”التقویٰ“ کے شعبان ۱۴۱۱ھ کے شمارہ سے ان کے شکریہ کے ساتھ ترجمہ کیا جا رہا ہے۔ (مدیر معاون)

”ہمارے نبی کی روحانیت الف خامس میں اپنی مجمل صفات کے ساتھ طلوع ہوئی۔ اس وقت اس کی ترقی کی انتہا نہ ہوئی تھی، پھر کامل ہوئی اور یہ روحانیت الف سادس کے آخر میں یعنی اس وقت ظاہر ہوئی ہے تاکہ اپنے کمالِ ظہور کو پہنچے اور اپنے نور کے غلبہ سے ہمکنار ہو۔ پس میں ہی وہ نور مظہر اور نور معہود ہوں۔ ایمان لاؤ اور کافروں میں سے نہ ہو اور جان لو کہ ہمارے نبی جیسے الف خامس میں مبعوث ہوئے تھے اسی طرح الف سادس کے آخر میں مسیح موعود کی صورت میں مبعوث ہوئے ہیں، بلکہ حق تو یہ ہے کہ آپ کی روحانیت الف سادس کے آخر، یعنی ان ایام میں، پہلے سالوں سے زیادہ قوی اور کامل ہے۔ “

يا عین فیض الله والعرفان 
یسعى اليك الخلق كالظماٰن

(ترجمہ) اے اللہ تعالیٰ کے فیض و عرفان کے چشمے! مخلوق آپ کی طرف پیاسے کی طرح دوڑی چلی آتی ہے۔

”یہ اللہ ہی ہے جس نے شہد کی مکھی کو پہاڑی، درخت اور رہنے والی جگہ (انسانوں کی بستی) میں چھتہ بنانا سکھایا۔ تب اس (اللہ) نے انہیں دنیا بھر کی چیزیں کھانا سکھایا اور مہارت سے اپنی (پروردگار کی) راہ دکھائی۔ اللہ ان کے (شہد کی مکھیوں) کے جسم سے مختلف رنگوں کی کھانے کی نعمت (شہد) پیدا کرتا ہے، وہ شہد جو کئی انسانی بیماریوں کا علاج ہے۔ بے شک اس میں بے شمار نشانیاں ہیں مگر ان لوگوں کیلیے جو غور و فکر کرتے ہیں۔ “

(الاستاذ السید سابق کے اس مضمون کا ترجمہ ہمارے رفیق محترم حافظ مقصود احمد صاحب مرحوم نے بطور خاص ”الشريعۃ“ کے لیے کیا تھا۔ آج حافظ صاحب ہمارے درمیان موجود نہیں ہیں۔ اللہ تعالیٰ انہیں جوار رحمت میں جگہ دیں اور جنت الفردوس میں اعلیٰ مقام عطا فرمائیں، آمین (ادارہ)

” ظاہر میں حرکت اور کوشش قلب کے توکل کے منافی نہیں، جبکہ دل میں یہ یقین ہو کہ تقدیر خدا تعالیٰ کا فعل ہے۔ اگر مطلوب شئی نہ مل سکی تو اس کی تقدیر سے ہے اور میسر آ گئی تو یہ اس ذات کی میسر کردہ ہے۔ فان تعسر شیئ فبتقدير، وان تیسر شیئ فبتیسیرہ“۔

توکل کی دعوت

وتوكل على الحي الذي لا يموت۔ (الفرقان: ۵۸)

’’اس زندہ ذات پر توکل کرو جسے موت نہیں۔‘‘

وعلی اللہ فلیتوکل المؤمنون۔ (پ:۱۳، ابراہیم: ۱۱)

’’اللہ تعالیٰ پر توکل کرنے والوں کے دین دنیا کے تمام امور کا تکفل وہ خود کرتا ہے۔‘‘

ومن يتوكل على الله فهو حسبہ۔ (الطلاق: ۱۳)

’’جو اللہ پر بھروسہ کرے گا تو اللہ اس کے لیے کافی ہے۔‘‘

وما لنا ألا نتوكل على الله وقد هدانا سبلنا ولنصبرن على ما اذيتمونا وعلی اللہ فلیتوکل المؤمنون۔ (ابراہیم: ۱۱)

’’ہم بھلا خدا پر توکل کیوں نہ کریں، حالانکہ اسی نے ہمیں ہدایت دی۔ البتہ ہم تمہاری ایذاؤں پر صبر ہی کریں گے اور بھروسہ کرنے والوں کو خدا پر ہی بھروسہ کرنا چاہیے۔‘‘

یَسْتَبْشِرُوْنَ بِنِعْمَةٍ مِّنَ اللّٰهِ وَ فَضْلٍ وَّ اَنَّ اللّٰهَ لَا یُضِیْعُ اَجْرَ الْمُؤْمِنِیْنَ اَلَّذِیْنَ اسْتَجَابُوْا لِلّٰهِ وَ الرَّسُوْلِ مِنْ بَعْدِ مَا اَصَابَهُمُ الْقَرْحُ لِلَّذِیْنَ اَحْسَنُوْا مِنْهُمْ وَ اتَّقَوْا اَجْرٌ عَظِیْمٌ اَلَّذِیْنَ قَالَ لَهُمُ النَّاسُ اِنَّ النَّاسَ قَدْ جَمَعُوْا لَكُمْ فَاخْشَوْهُمْ فَزَادَهُمْ اِیْمَانًا وَّ قَالُوْا حَسْبُنَا اللّٰهُ وَ نِعْم الْوَكِیْلُ فَانْقَلَبُوْا بِنِعْمَةٍ مِّنَ اللّٰهِ وَ فَضْلٍ لَّمْ یَمْسَسْهُمْ سُوْٓءٌ وَّ اتَّبَعُوْا رِضْوَانَ اللّٰهِ وَ اللّٰهُ ذُوْ فَضْلٍ عَظِیْمٍ (آل عمران: ۱۷۱ تا ۱۷۴)

ان حسن الظن بالله من عبادة الله۔ (ابوداؤد، ترمذي و الحاكم)

’’بے شک خدا تعالیٰ سے حسن ظن رکھنا بھی اللہ تعالیٰ کی عبادت ہی ہے۔‘‘

يدخل الجنۃ اقوام افئدتهم مثل افئدة الطیر۔

’’کہ جنت میں بہت سے ایسے لوگ بھی جائیں گے جن کے سینے پرندوں جیسے ہوں۔ پوچھا، اس کا مطلب کیا ہے؟ تو فرمایا کہ یہ متوکل لوگ ہوں گے۔‘‘

لو انكم تتوكلون على الله حق توكلہ لرزقكم كما يرزق الطیر تغدو خماصا وتروح بطانا۔ (ترمذی)

’’اگر تم اللہ تعالیٰ پر اس طرح تو کل کرو جو توکل کا حق ہے تو تمہیں اس طرح رزق ملے جس طرح پرندوں کو رزق ملتا ہے کہ صبح خالی پیٹ گھر سے نکلو تو شام کو پیٹ بھر کر واپس لوٹو۔‘‘

اللهم أنت ربي، لا إله إلا أنت، عليك توكلت، وأنت رب العرش العظيم، ما شاء الله كان، وما لم يشأ لم يكن، لا حول ولا قوة إلا بالله العلي العظيم، أعلم أن الله على كل شيء قدير، وأن الله قد أحاط بكل شيء علما، اللهم إني أعوذ بك من شر نفسي، ومن شر كل دابة أنت آخذ بناصيتها، إن ربي على صراط مستقيم۔

اللهم اسلمت نفسى اليك ووجهت وجهي اليك وفوضت امري اليك والجأت ظهرى اليك رغبة ورهبة اليك لا ملجأ ولا منجى منك الا اليك امنت بكتابك الذي انزلت، وبنبيك الذي ارسلت۔

توکل اور اسباب

فامشوا فی مناکبھا وکلوا من رزقہ۔ (ملک: ۱۰)
خذوا حذركم فانفروا ثبات او انفروا جميعا۔ (نساء: ۲۱)
واعدوا لهم ما استطعتم من قوة ومن رباط الخيل۔ (انفال: ۶۰)
و تزودوا فان خیر الزاد التقوى۔ (البقره: ۱۹۷)

فاسر باهلك بقطع من الليل۔ (ہود : ۸۰)

فاسر بعبادي ليلاانكم متبعون۔ (دخان : ۲۳)

يا بنی لا تقصص رؤياك على إخوتك فيكيدوا لك كيدا۔ (يوسف : ۷)

يا بنی لا تدخلوا من باب واحد وادخلوا من ابواب متفرقۃ۔ (یوسف ۶۷)

ايها الناس تداووا ان الله ما وضع داءً الا جعل لہ شفاء۔

’’اے لوگو! دوا کو استعمال کرو۔ بے شک اللہ تعالیٰ نے ایسی کوئی مرض پیدا نہیں کی، جس کی شفا نہ بنائی ہو۔‘‘

وللہ غیب السموات والارض والیه یرجع الامر کله فاعبده و توکل علیہ۔ (هود: ۱۲۳)

ترجو النجاة ولم تسلك مسالكها 
إن السفینۃ لا تجرى على اليبس

”ترسم کہ تو میرانی زورق بہ سراب اندر“   

’’چاہتا ہے نجات اگر، اسباب مہیا کر‘‘

’’آثار السنن (اردو ترجمہ)‘‘

گزشتہ صدی کے نامور محدث حضرت علامہ محمد بن علی النیمویؒ المتوفی ۱۳۲۲ھ نے آثار السنن کے نام سے احادیث و آثار کے اس ذخیرہ کو مرتب کرنا شروع کیا تھا جو فقہ حنفی کی فروع و جزئیات کی بنیاد ہیں۔ یہ ایک وقیع علمی خدمت تھی جس سے بعض حضرات کے پھیلائے ہوئے ان شکوک و شبہات کا ازالہ بھی مقصود تھا کہ فقہ حنفی کا مدار حدیث کی بجائے اس کے مقابلہ میں محض قیاس پر ہے۔ علامہ نیمویؒ اس مجموعہ احادیث کے ذریعہ اپنے مقصد میں کافی حد تک کامیاب رہے اور علمی حلقوں سے خراجِ تحسین وصول کیا۔ لیکن زندگی کی بے وفائی نے کتاب الطہارت اور کتاب الصلوٰۃ سے آگے جانے کا موقع نہ دیا، تاہم کتاب الطہارت اور کتاب الصلوٰۃ پر مشتمل یہ علمی ذخیرہ اہلِ علم کے لیے نعمتِ غیر مترقبہ ثابت ہوا۔

مدرسہ نصرۃ العلوم گوجرانوالہ کے استاذ محترم مولانا محمد اشرف صاحب نے اس کا اردو ترجمہ کیا ہے اور اصل کتاب کو ترجمہ کے ساتھ خوبصورت انداز سے شائع کیا ہے۔ معیاری کتابت و طباعت اور مضبوط جلد کے ساتھ پونے سات سو صفحات پر مشتمل یہ ذخیرۂ احادیث ایک سو پچاس روپے میں مکتبہ حسینیہ قذافی روڈ گرجاکھ گوجرانوالہ سے طلب کیا جا سکتا ہے۔

’’حضرت عیسٰی علیہ السلام کی حیات و نزول کا عقیدہ‘‘

دورِ حاضر کے نامور محقق مولانا محمد یوسف لدھیانوی نے سیدنا حضرت عیسٰی علیہ السلام کی حیات و نزول کے بارے میں اہلِ اسلام کے اجماعی عقیدہ کو دلائل کے ساتھ اس کتاب میں واضح کیا ہے اور تیرہ سو سال کے اجماع پر علماء کے ارشادات نقل کیے ہیں۔ اڑھائی سو صفحات پر مشتمل یہ کتاب معیاری کتابت و طباعت کے ساتھ عالمی مجلسِ تحفظِ ختمِ نبوت حضوری باغ روڈ ملتان نے شائع کی ہے اور اس پر قیمت درج نہیں ہے۔

’’صدائے محراب‘‘

مجلسِ احرار اسلام اور تحریکِ ختمِ نبوت کے پرجوش مقررین میں حضرت مولانا تاج محمود رحمہ اللہ تعالیٰ کو یہ امتیازی حیثیت حاصل تھی کہ وہ اپنی بھرپور شعلہ نوائی کے ذریعہ سامعین کے جذبات سے کھیلنے کے ساتھ ساتھ ان کے ذہن و دماغ کو بھی گرفت میں رکھتے تھے۔ مولانا مرحوم کے فرزند و جانشین صاحبزادہ طارق محمود نے اس روایت کو قائم رکھنے کی کافی حد تک کامیاب کوشش کی ہے۔ زیر نظر کتاب صاحبزادہ صاحب موصوف کے سال بھر خطبات جمعہ کا مجموعہ ہے جو ان کے ذوقِ مطالعہ اور حسنِ ترتیب کا غماز ہے۔ ان خطبات میں مواد بھی ہے اور بیان کا سلیقہ بھی، جو بلاشبہ نوخیز خطباء کے لیے گراں قدر تحفہ ہے۔

چھ سو صفحات پر مشتمل اس مجموعہ خطبات کی قیمت ڈیڑھ سو روپے ہے اور اسے مکتبہ لولاک جامع مسجد محمود ریلے کالونی فیصل آباد سے حاصل کیا جا سکتا ہے۔

’’تذکرۂ سیدنا معاویہؓ‘‘

محترم جناب قاری قیام الدین الحسینی نے امیر المومنین حضرت معاویہ رضی اللہ عنہ کے حالاتِ زندگی اور ان کے بارے میں اہل سنت کے مسلّمہ عقیدہ و نظریہ کو اس کتاب میں مدلل طور پر بیان کیا ہے۔ کتابت و طباعت عمدہ، خوبصورت جلد، صفحات ۲۴۰ قیمت ۷۵ روپے اور ملنے کا پتہ ہے ادارہ اسلامیات پنڈ دادنخان ضلع جہلم۔

’’میری علمی و مطالعاتی زندگی‘‘

دارالعلوم حقانیہ اکوڑہ خٹک کے مہتمم مولانا سمیع الحق نے کچھ عرصہ قبل اپنے دور کے نامور اہلِ علم سے ان کی علمی و مطالعاتی زندگی اور تجربات کے بارے میں ایک سوالنامہ کی صورت میں استفسار کیا تھا۔ زیر نظر کتاب اس سوالنامہ کے جوابات پر مشتمل ہے جن میں ممتاز علماء اور دانشوروں نے اپنے علمی و مطالعاتی تجربات و مشاہدات بیان کیے ہیں۔ دارالعلوم حقانیہ کے فاضل استاذ مولانا عبد القیوم حقانی نے یہ مجموعہ مرتب کر دیا ہے۔ تین سو ساٹھ صفحات کی یہ کتاب مؤتمر المصنفین دارالعلوم حقانیہ اکوڑہ خٹک ضلع پشاور سے حاصل کی جا سکتی ہے، قیمت درج نہیں ہے۔

’’شیخ الہند مولانا محمود حسن دیوبندیؒ ۔ ایک سیاسی مطالعہ‘‘

محترم ڈاکٹر ابو سلمان شاہجہان پوری نے اس کتابچہ میں شیخ الہند مولانا محمود حسن دیوبندیؒ کے متعدد خطبات و فتاویٰ اور خطوط و پیغامات کو مرتب کیا ہے جن سے اس دور کے سیاسی حالات اور حضرت شیخ الہندؒ کی جدوجہد کو بہتر طور پر سمجھا جا سکتا ہے۔ ابتداء میں شیخ الہندؒ کے حالات اور خدمات پر ایک مضمون بھی شامل ہے۔ صفحات ۱۶۸، قیمت ۵۱ روپے، ملنے کا پتہ: مجلس یادگار شیخ الاسلام قاری منزل مراد سٹریٹ پاکستان چوک کراچی ۱۔

’’انجمن خدامِ کعبہ ۔ تاریخِ قیام اور مقاصد و خدمات‘‘

خلافتِ عثمانیہ کے خلاف یورپین اقوام کی سازشوں میں اضافہ ہوا تو برصغیر کے مسلمانوں میں خلافت کے ساتھ ہمدردی و عقیدت اور خلافت کے زیر انتظام حرمین شریفین کے تقدس و ناموس کے تحفظ کے جذبات بیدار ہوئے اور مولانا عبد الباری فرنگی محلیؒ اور مولانا محمد علی جوہرؒ جیسے اکابر نے ’’انجمن خدام کعبہ‘‘ کے نام سے ایک تنظیم کی بنیاد رکھی۔ زیر نظر کتابچہ میں جناب ڈاکٹر ابو سلمان شاہجہانپوری نے انجمن خدام کعبہ کے حالات و خدمات کا تذکرہ کیا ہے جو ہماری آزادی کی جدوجہد کا ایک اہم باب ہے۔ صفحات ۱۱۲، قیمت ۴۰ روپے، ملنے کا پتہ: ادارہ تصنیف و تحقیق ۹/۱ علیگڑھ کالونی، کراچی ۴۱۔

’’قطعات تاریخ‘‘

دورِ حاضر کے متعدد نامور اہلِ قلم و دانش کی وفات پر جناب شان الحق حقی نے قطعاتِ تاریخ لکھے جنہیں زیرنظر کتابچہ میں جمع کر دیا گیا ہے۔ ان میں جگر مراد آبادی، احسان دانش، بابائے اردو مولوی عبد الحق اور جوش ملیح آبادی جیسے ممتاز حضرات بھی شامل ہیں۔ صفحات ۴۸ قیمت ۱۰ روپے، ملنے کا پتہ: مکتبہ شاہد علیگڑھ کالونی کراچی ۴۱۔

’’ماہِ محرم اور مسلمان‘‘

ہفت روزہ الاعتصام لاہور کے فاضل مدیر جناب حافظ صلاح الدین یوسف نے ماہ محرم کے بارے میں ہمارے معاشرے میں پائی جانے والی بے سروپا روایات اور بدعات و رسوم پر مختلف اسلامی مضامین لکھے جو زیر نظر کتابچہ میں یکجا کر دیے گئے ہیں۔ صفحات ۹۰، ناشر مکتبہ ضیاء الحدیث مصطفیٰ، لاہور۔